Plantun de Prouvènço

Pèr coumpara dos planto d'encò nostre

Oxytropis amethystea & Grimmia orbicularis

Oxytropis amethystea

Fabaceae Leguminosae

Noms en français : Oxytropis améthyste, Oxytropis couleur d'améthyste.

Descripcioun :
Aquéu cese-fèr nanet, quàsi sènso tijo, trachis dins li tepiero roucaiouso cauquiero. Rebalo au sòu e fai de pichòti mato peludo, acoulourido de flour roso à vióuleto. Èi pas uno planto forço coumuno, pamens dins Ventour se vèi facilamen. Coumpara emé lou cese-fèr-de-Suisso que ié sèmblo proun.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxytropis
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 1,2 à 1,6 cm
Flourido : Estiéu

Sòu : Ca
Autour basso e auto : 1600 à 2600 m
Aparado : Noun
Juliet-avoust

Liò : Tepiero roucaiouso
Estànci : Subaupen à Aupen
Couroulougi : Ouroufito-Ouèst-Éuroupo
Ref. sc. : Oxytropis amethystea Arv.-Touv., 1871

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.